ولسمشر غني په دوه ورځني سفر پاکستان ته لاړ

راپورونه

ولسمشر غني په دوه ورځني سفر پاکستان ته لاړ

143

ولسمشر محمد اشرف غني تر شاوخوا څلور نیم کاله وروسته نن د پاکستان په دوه ورځني سفر روان شو. په اسلام اباد کې د پاکستان د بهرنیو چارو وزارت وايي، د ولسمشر غني په دې دوه ورځني سفر کې نوموړی د پاکستان له ولسمشر عارف علوي او لومړي وزیر عمران خان سره بېلې بېلې لیدنې لري. د یاد وزارت په خبره د افغان ولسمشر په دې سفر کې به له پاکستان سره پر سیاسي، اقتصادي، امنیتي او تجارتي اړیکو خبرې وشي. ارګ هم پر خپله فېسبوک پاڼه لیکلي، د هېواد ولسمشر به په دغه سفر کې چې د پاکستان د لومړي وزیر په رسمي بلنه ترسره کېږي، د سیمه ییز اتصال، سوداګرۍ، ټرانزیټ، امنیت او سولې په اړه له پاکستاني چارواکو سره هر اړخیز بحثونه ولري.



اعلان