د کوچنۍ وژل شوې ماشومې مهسا قاتلین هر یو په دېرش کاله بند محکوم شو

افغانستان

د کوچنۍ وژل شوې ماشومې مهسا قاتلین هر یو په دېرش کاله بند محکوم شو

128

په کابل کې یوې ابتدائیه محمکې د کوچنۍ ماشومې مهسا په قتل تورن کسان په دېرش ـ دېرش کاله بند محکوم کړل.

د ماشومې مهسا په قتل او تښتونې تورن کسان د یکشنبې په ورځ په کابل کې د دویمې حوزې د ابتدایه محمکې په علني ناسته کې په سزا محکوم شول.

د ناستې مشر عبدالوارث احسان پور د مدافع وکیلې له دعوا او دفاعیې وروسته پرېکړه وکړه چې هر تورن کس په دېرش ـ دېرش کاله بند محکوم شول.

ښاغلي احسان پور دا اعلان هم وکړ چې د ابتدایي محکمې حکم قطعي نه دی او دواړه لوري کولای شي چې د استېناف غوښتنه وکړي.

خو د مهسا پلار مرتضی د دغه حکم له اعلان وروسته رسنیو ته وویل چې دوی د عدالت د ټينګښت لپاره د تورونو کسانو د اعدام غوښتونکي دي.

د ده په خبره، مسؤلو بنسټونو د عمرتثبیت سم نه دی کړی.



اعلان