څېړنه: د ورځې له دوه ساعته زیات ټلویزیون کتل مو له وخته مخکې وژلی شي

روغتیا

څېړنه: د ورځې له دوه ساعته زیات ټلویزیون کتل مو له وخته مخکې وژلی شي

202

یوې تازه تر سره شوې څېړنه کې ټلویزیون ته د کېناستو زیانونه مالوم شوي او له دوه ساعتو زیات کېناستل ورته وژونکي ښودل شوي دي.
سکاټ لېنډ کې تر سره شوې څېړنه وایي، د ورځې له دوه ساعتونو زیات ټلویزیون ته کېناستل نه یوازې روغتیا ته تباه کوونکي دي، بلکې له وخته د مخکې مړینې لامل هم کېدای شي.
په ګلاسکو پوهنتون کې شوې څېړنه کې ویل شوي چې په ساعتونو ټلویزیون ته د کېناستو عادت لکه د تمباکو، شرابو او ناسالمې غذا په څېر د زړه د ناروغیو ګواښ زیاتوي.
د څېړونکو په وینا، ډېر ټلویزیون کتل او لږ خوب د روغتیا (د خرابۍ) او د ژوند د لنډېدو لامل کېدای شي.
تېر کال د امریکا د مشیګن پوهنتون له لوري په یوه څېړنه کې هم ویل شوي وو چې هره ورځ د څو ساعتونو له پاره د ټلویزیون کتل د خوب معیار زیانمنوي، د زیاتې ستړیا او د بې خوبۍ لامل کېږي.
موده وړاندې یوه بل څېړنیز مرکز ویلي وو، هره ورځ درې نیم ساعته ټلویزیون کتل نه یوازې د سرطان او د زړه د ناروغیو ګواښ زیاتوي، بلکې د شکر، نمونیا او د ځګر د ناروغیو لامل هم کېږي.



اعلان