"تېره شپه بېلابېلو ولایتونو کې له څلوېښت ډېر امنیتي ځواکونه وژل شوي"

افغانستان

532

پرون ماښام طالبانو خپل درې ورځینی اور بند پای ته ورسوه او هممهاله یې ورسره پر افغان امنیتي ځواکونو د بریدونو راپورونه ورکړل.
طالب ویندویان وایي چې په بادغیس، فراه، کندهار، لغمان او غزني ولایتونو کې یې د بریدونو په پایله کې شاوخوا څلوېښت امنیتي ځواکونه وژل شوي دي.
افغان چارواکو د مرګ-ژوبلې په اړه څه نه دي ویلي، خو په بېلابېلو ولایتونو کې یې د طالبانو د بریدونو بیا پېل تایید کړی دی.
طالبانو پرون وویل چې دوی به خپل بریدونه بیا پېل کړي او په دې تړاو یې خپلو وسله والو ته امر ورکړی دی.
د طالبانو درې ورځیني اور بند کې ننګرهار ولایت کې د داعش له برید پرته په ټول هېواد کې کومه امنیتي پېښه و نه شوه او د اختر درې ورځې په خوشالۍ تېرې شوې.
افغان حکومت د خپل یو اړخیز اور بند موده لس نورې ورځې غځولې ده.



اعلان