اې قدرمنې خوري!

اسلام

اې قدرمنې خوري!

1122

لیکنه: احمد جنید مبارز

څومره د شرم او  بې حیایۍ خبره ده چي یوه مسلمانه ښځه رسنۍ ته زنګ وهي، د ځوان ویاند سره ټوکي ټکالي، مسخرې، مینه ناکي خبري، او زمزمې کوي!

محترمي خوري !

پوهېږې؟! ستا اواز الله تعالی ستا د عزت او حیاء په خاطر عورت او حرام بللۍ دی چي نامحرم کس ته یې بېله ضرورته مه اوروه، خپل پلار، ورور، خاوند ته دي د بې غیرته او بې ناموسه القاب مه هدیه کوه.

پوهېږې؟! ته ښځه یې، اسلام زښت زیات حقوق تاته در کړي دي، د کفارو د هغو ناسمو او نجسو حقوقو څخه خبره سه چي د ښځو څخه یوازي او یوازي د حیوان کار اخلي، جنسي غوښتني ور څخه کوي، خو ستا جنسي خواهش الله تعالی په حلاله نکاح کي په جایزه طریقه په خپل خاوند در پوره کوي، نو پام چي د غربیانو دیمکراټ کلتور خپل نکړې.

پوهېږې؟! ته یو نارینه ته ور په نکاح کېږې، اولادونه زېږوې، بیا به اولادونو ته تربیت ور کوې، بیا به هغه ستا لپاره صدقه جاریه وګرځي، تا به د قبر د عذابه وژغوري.

محترمي مبارکي خوري !

لطفا د یو کشر ورور په صفت ځانګړې هیله در څخه کوم چي حياء، اخلاق، دي د ځان لپاره شعار وګرځوه، ښکلۍ ږغ دي، ښکلې څهره دي، ښکلۍ قد دي، ښکلۍ حُسن دي، پردیو نامحرمو ته مه ښکاره کوه، تر څو د خاوند دي ټول ارمانونه ستا په نکاح پوره سي، او هغه هم تاته پاک او مبارک سي؛ ځکه نو الله تعالی قران کي فرمایي :

الْخَبِيثٰتُ لِلْخَبِيثِينَ وَالْخَبِيثُونَ لِلْخَبِيثٰتِ ۖ وَالطَّيِّبٰتُ لِلطَّيِّبِينَ وَالطَّيِّبُونَ لِلطَّيِّبٰتِ ۚ أُولٰٓئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ

ژباړه : ناپاکي ښځي د ناپاكو نارينه ؤ لپاره او ناپاکه نارينه د ناپاكو ښځو لپاره دي. پاکي ښځي د پاكو نارينه ؤ لپاره او پاك نارينه د پاكو ښځو لپاره دي. د دوى (پاکانو) لمن له هغو خبرو څخه پاکه ده چي درواغجنان یې غوټه كوي، د دوى لپاره بښنه او ښه روزي ده.