خرما ولې روژه ماتي ته غوره ګڼل شوې؟

اسلام

خرما ولې روژه ماتي ته غوره ګڼل شوې؟

2493

ولې پېغمبر صلی الله عليه وسلم خرما د روژه ماتي لپاره غوره کړې؟ ډاکټر خالد جابر د «موسوعة الملک عبدالله بن عبدالعزيز» په صحي برخه کې ليکي : پېغمبر صلی الله عليه وسلم ډېر څه ښودلی شول. لکه وړه کړې ډوډۍ-چې ډېره يې خوښه وه- غوښه او سابه. دا چې خرما يې غوره کړې، امکان لري پېغمبري اجتهاد وي، امکان لري چې مدينه کې د خرماو د زيات شتون له امله وي او امکان لري چې وحې ورته شوې وي. سړی نه شي ويلی چې دې درېوو امکاناتو کې کوم يقيني دی، مګر موږ ته چې له طبي لحاظه معلومه شوې خرما بهترينه صحي غذا ده او په کار ده چې روژه ماتی پرې وشي.
ډاکټر جابر وايي چې خرما خوږه مېوه ده او زر جذبيږي. روژه‌دار ته داسې غذا اړينه ده چې بدن ته يې خواږه زر ورسوي. طبي شننې وايي چې تازه پرې شوې خرما هر سل ګرامه ٪۳۷.۶ خوږه لري چې ۱۳۶ کالوري ورکولی شي او پخه خرما هر سل ګرامه ٪۷۳ خوږه لري چې ۳۱۸ کالوري ورکولی شي.
ډاکټر جابر وايي : طبي څېړنې ښيي چې خرماو سره په کالوريو کې بې له زيتونه هيڅ خوراک سيالي نه شي کولی. توپير يې دا دی چې زيتونو کې د کالوريو مصدر غوړ دي او په خرما کې خوږه ده او روژه‌دار ته خوږه ډېره ضرور ده، ځکه چې خوږه له غوړ زر هضميږي او جذبيږي.