ترکيې په پښتو ژبه ليکل شوی سلګونه کاله پخوانی کتاب افغانستان ته وسپاره

کتابونه

ترکيې په پښتو ژبه ليکل شوی سلګونه کاله پخوانی کتاب افغانستان ته وسپاره

9565

ترکيې د صوفيزم په تړاو د يوه افغان ليکوال ليکل شوی کتاب پرون (سې شنبه) افغانستان ته وسپاره.
 دغه کتاب چې تحفة القادريه نومېږي د ابن منير له خوا د اتلسمې پېړۍ په لومړې نيمايي کې ليکل شوی و، د کتاب د ليکلو نېټه ښايي ۱۷۲۲ یا ۱۷۲۳ ز کال وي.
دغه کتاب په کابل کې مېشت يوه ترکي دېپلومات د ايرلينډ د دبلن ښار په يوه کتابتون کې موندلی و.
دېپلومات سنان ايهان د ترکيې انادولو خبري اژانس ته ويلي، د کتابتون خاوند دغه کتاب د کردي ژبې په کتابونو کې ايښی و؛ ځکه هغوی د پښتو ژبې سره نا اشنا وو.
د يک تلويزيون د راپور پر بنسټ، دغه کتاب د ټيکا په نوم يوه سازمان افغان چارواکو ته وسپاره.
 د افغان ولسمشر سلاکار لعل پاچا ازمون په غونډه کې د ولسمشر وينا واوروله او له ترکيې يې د دوستانه اړيکو او ملاتړ کولو مننه وکړه.



اعلان