«انا کارینینا» شهکار ناول چاپ شو

ناولونه

«انا کارینینا» شهکار ناول چاپ شو

422

«انا کارينينا» د وتلي روسي ناول ليکونکي، ليف تولستوی يو له شهکارو ناولونو څخه دی چې په څلورو کلونو کې يې د (۱۸۷۳ - ۱۸۷۷) کلونو ترمنځ ليکلی دی.

دغه ناول د وتلي افغان ژباړن او ديپلومات، ډاکټر لطيف بهاند له لورې پښتو ته ژباړل شوی دی او اوس چاپ او بازار ته وتلی دی. بهاند وايي چې دغه ناول روسي ليکوال، ليف تولستوی په څلورو کلونو ليکلی، خو د بيا کتنې او نورو چارو سره په اوو کلونو کې بازار ته وتلی دی.

ډاکټر بهاند دغه راز وايي چې هغه هم دغه ناول په اوو کلونو کې ژباړلی او د بياکتنې او نورو چارو له ترسره کېدو وروسته اوس چاپ شوی او بازار ته وتلی دی. ژباړن دغه ناول د (۲۰۱۰-۲۰۱۶) کلونو ترمنځ ژباړلی دی. هغه وايي چې دغه موده کې يې د رسمي او ديپلوماتيکي بوختياوو سربېره پر نورو کتابونو او څېړنو هم کار کړی دی.

د روسي ليکوال، ليف تولستوی ناولونه نړيوال شهرت لري. د هغه سوله او جګړه د نړۍ د ګوتو په شمار ناولونو څخه شمېرل کېږي. بلې خوا افغان ژباړن، ډاکټر بهاند پخوا هم د نړۍ د سترو ليکوالو ستر شهکارونه ژباړلي. هغه د تولستوی سوله او جګړه هم ژباړلې او دغه راز د نورو روسي ليکوالو مشهور کتابونه يې.