انا کارینینا او ددې رومان ژباړې

ناولونه

انا کارینینا او ددې رومان ژباړې

280

البته هېڅ ژباړه، په خپل ډول کې بشپړه نه وي، نو له دې کبله ده، چې ځېنې د ذوق خاوندان، چې ژباړه یې خوښه نه شي، یا یې له ‌خوښې او ذوق سره برابره نه وي او یا هم غواړي کوم اثر د خپل زړه د خوښې له پاره وژباړې، نو خپله مټې ورته رانغاړي او ژباړې یې. زما همدومره له لاسه وشول، که کوم بل څوک تر ما په روسي او پښتو ادبیاتو کې، ښه تجربه ولري، تر نورو د ښه ذوق خاوند وي او په دې ادبیاتو کې د ښې تجربې او تخصص خاوند، پیدا کېږي، زما مرسته یې تر سره جار، کار دې پیل کړي. دا کار او دا اثار، په نورو هېوادونو او نورو ژبو کې هم په وار وار شوی دی.
د یادونې وړ ده، چې په ژباړه کې له ماسره تر لسو تنو پورې روسي او اوکرایني دوستانو مرسته کړې ده.، چې په سریزه کې یې یادونه راغلې ده.
د همدې اثر د ژباړې به اړه یې، دلته یې ولولئ:

دا کتاب لا تراوسه، د ۱۴۰ کالو په اوږدو کې، په ۴۱ ژبو ژباړل شوی او ۶۲۵ وار، خپور شوی دی.
کتاب لومړی په روسیې ژبه، په یوه مجله کې په پرله پسې ډول، بیا ۱۸۷۸ کې د کتاب په بڼه او په همدې کال په پولندي ژبه خپور شوی دی. 
تر پولندي وروسته پر کال ۱۸۸۱ کې په چکي او پر کال ۱۸۸۵ م، فرانسوي او الماني ژبو ته ژباړل شوی او خپور شوی دی. پر ۱۸۸۷ کال په نیویارک کې په انګریزي ژبې ژباړل شوی دی. 

زیاتره ژباړونکي یا روسي ژبي او یا هم داسې کسان و، چې روسیي ژبه یې مورنۍ ژبه او یا په روسیه پیدا شوي، بیا بل هېواد ته تللي دی، خو داسې کسان هم په کې کم نه دي، چې روسي ژبه یې، د دویمې یا درېیمې ژبې په توګه زده کړې ده. .
دوه وروستۍ ژباړې، یوه په امریکا او بله په انګستان کې، پر ۲۰۱۴ کال کې شوې دي.
دا کتاب، یوازې په انګریزي ژبې ۲۴ واره جلا جلا کسانو له خوا ژباړل شوی دی.
زموږ په ګاونډي هېواد، ایران کې دا اثر ۸ واره، د اتو ژباړونکو له خوا ژباړل شوی دی.

په الماني ژبې کې دا اثر ۲۱ ځله ژباړل شوی دی. وروستۍ ژباړونکې : مېرمن روزیماري تیتڅو، د هغه هېواد تر ټولو ستره هنري- فرهنګي جایزې تر لاسه کړې ده. دې جایزې د معنوي ارزښت تر څنګ ۱۵ زره یورو نغدي پیسې هم درلودې.

یوې انګریزې او یوې امریکايي ژباړونکو، هرې یوې: مېرمن ماریان شوارڅ او مېرمن روزاموند بارتلیت، هریو جلا او له یو بله ناخبره، په دې وروستیو کلونو کې، د اناکارینینا رومان ژباړلی دی. د دوی ژباړې پر ۲۰۱۴ کال خپرې شوې او پروسږکال(۲۰۱۵) هغوی د خپل دې خدمت په بدل کې، غوره مادي او معنوي جایزې تر لاسه کړې.